HAFSA KHAN

 کمسن لڑکی کو کالعدم بی ایل اے دہشتگردوں کے خود کش منصوبے سے بچا لیا گیا. وزیر داخلہ سندھ ضیا الحسن لنجار نے انکشاف کیا ہے کہ دشمن عناصر معصوم بچوں اور بچیوں کو کہانیاں سنا کر ان کی ذہن سازی کر رہے ہیں اور انہیں ریاست کے خلاف استعمال کرنے کی منظم کوششیں جاری ہیں, انہوں نے کہا کہ جرائم پیشہ اور ریاست مخالف عناصر نو عمر لڑکوں اور لڑکیوں کو نشانہ بنا رہے ہیں، تاہم قانون نافذ کرنے والے اداروں نے بروقت کارروائی کرتے ہوئے ایک بڑے نقصان کو روک لیا۔ کراچی میں پریس کانفرنس کرتے ہوئے وزیر داخلہ سندھ نے بتایا کہ دشمن ہمارے بچوں کو ہمارے ہی خلاف استعمال کرنے کی کوشش کر رہا ہے۔ ریاست مخالف عناصر نے سوشل میڈیا کے ذریعے بلوچستان سے تعلق رکھنے والی ایک کم عمر بچی سے رابطہ کیا اور باقاعدہ اس کی ذہن سازی کی گئی۔ ضیا الحسن لنجار کے مطابق اس بچی کو خودکش بمبار بننے کے لیے تیار کیا جا رہا تھا، جس کے لیے اسے مسلسل نفرت انگیز اور ریاست مخالف مواد فراہم کیا جاتا رہا، انہوں نے کہا کہ یہ کوئی معمولی واقعہ نہیں بلکہ ایک انتہائی سنگین اور خطرناک رجحان کی عکاسی کرتا ہے

 دخترِ مشرق بینظیر بھٹو کی 18ویں برسی پر ملک بھر سے پیپلز پارٹی کے کارکنان بڑی تعداد میں گڑھی خدا بخش پہنچ رہے ہیں جہاں جگہ جگہ استقبالیہ کیمپ لگائے گئے ہیں۔ خاتون اول آصفہ بھٹو نے فریال تالپور کے ساتھ بے نظیر بھٹو کے مزارپر حاضری دی، ذوالفقارعلی بھٹو، مرتضیٰ بھٹو اور شاہ نواز بھٹو کی قبروں پر بھی پھول رکھے۔ جنرل سیکرٹری پیپلز پارٹی سندھ سینیٹر وقار مہدی سمیت دیگر رہنماؤں اور جیالوں نے بھی بے نظیر بھٹو اور بھٹو خاندان کی دیگر شخصیات کی قبروں پر حاضری دی۔ حکومت سندھ نے سابق وزیر اعظم شہید محترمہ بینظیر بھٹو کی برسی پر عام تعطیل کا اعلان کیا ہے، وزیراعظم آزاد کشمیر فیصل ممتاز راٹھور نے بھی شہید بے نظیر بھٹو کی برسی کے موقع پر آج آزاد کشمیر میں عام تعطیل کا اعلان کردیا۔ بینظیر کی سوانح حیات بینظیر کے والد کو پھانسی پر چڑھایا گیا ، دو بھائی قتل ہوئے ، بدترین آمریتوں کا سامنا رہا، جلاوطنی کاٹی لیکن جمہوری جدوجہد سے پیچھے نہیں ہٹیں۔ یہ تعارف ہے دخترِ مشرق کا لقب پانے والی بینظیر بھٹو کا جنہیں عالم اسلام کی پہلی خاتون وزیراعظم ہونے کا اعزاز بھی حاصل ہے، وہ دو مرتبہ پاکستان کی وزیراعظم ...

 پاکستان نے برطانیہ میں پاکستانی قونصل خانے کے باہر ہونے والے احتجاج کے دوران دھمکی آمیز اور قابلِ اعتراض بیانات پر قائم مقام برطانوی ہائی کمشنر کو باضابطہ احتجاجی مراسلہ (ڈیمارش) جاری کر دیا ہے۔ یہ احتجاج پاکستان تحریک انصاف کے زیر اہتمام منعقد کیا گیا تھا۔ احتجاج کے دوران شرکا نے پاکستان کی مسلح افواج کی اعلیٰ قیادت کے خلاف نہایت اشتعال انگیز اور توہین آمیز زبان استعمال کی۔ بعض مظاہرین کی جانب سے سنگین نوعیت کی دھمکیاں بھی دی گئیں جن میں فوجی قیادت کو نشانہ بنانے سے متعلق بیانات شامل تھے۔ حکومتِ پاکستان نے برطانوی سرزمین سے دی جانے والی ان دھمکیوں کا سخت نوٹس لیا ہے۔ پاکستان نے برطانوی حکومت پر زور دیا ہے کہ وہ اس بات کو یقینی بنائے کہ اس کی سرزمین پاکستان کو عدم استحکام سے دوچار کرنے کی سرگرمیوں کے لیے استعمال نہ ہو۔ پاکستان نے امید ظاہر کی ہے کہ برطانوی قوانین کے تحت ملوث عناصر کے خلاف سخت کارروائی کی جائے گی اور انہیں قانون کے کٹہرے میں لایا جائے گا۔ پاکستان نے لندن اور اسلام آباد میں برطانوی حکام کو ویڈیو شواہد اور مکمل ٹرانسکرپٹ بھی فراہم کر دی ہے۔ یہ ویڈیو پاکستان تحریک ان...

 وفاقی وزیر خزانہ سینیٹر محمد اورنگزیب نے کہا ہے کہ پاکستان ایک اہم معاشی موڑ پر پہنچ چکا ہے،ملک پائیدار معیشت اور طویل المدتی ترقی کی راہ پر چل پڑا ہے، پاکستان میں معاشی اصلاحات کے مثبت نتائج، اعتماد اور پالیسی تسلسل کا واضح اشارہ ہے۔ امریکی جریدے یو ایس اے ٹوڈے کو انٹرویو دیتے ہوئے وزیر خزانہ محمد اورنگزیب نے کہا ہے کہ پالیسیوں میں تسلسل کی بدولت ملکی اور عالمی سرمایہ کاروں کا اعتماد بحال ہوا ہے جس کے نتیجے میں پاکستان نے کئی برسوں بعد پرائمری بجٹ سرپلس اور کرنٹ اکاؤنٹ سرپلس حاصل کیا۔ انہوں نے کہا ہے کہ مہنگائی کی شرح 38 فیصد سے کم ہو کر سنگل ڈیجٹ میں آ چکی ہے جبکہ زرمبادلہ کے ذخائر 14.5 ارب ڈالر سے تجاوز کر گئے ہیں۔

 پشاور کے آرمی پبلک سکول (اے پی ایس) پر دہشتگرد حملے کو 11سال مکمل ہو گئے،سانحہ اے پی ایس پشاور کی آج 11 ویں برسی منائی جا رہے ہے۔ صدر مملکت اور وزیراعظم پاکستان اور وزیر داخلہ محسن نقوی نے اس عزم کا اعادہ کیا ہے کہ ریاست کے خلاف ہتھیار اٹھانے والوں سے کوئی بات نہیں ہوگی۔ آرمی پبلک سکول پشاور پر حملے کی 11 ویں برسی کے موقع پر اپنے پیغام میں صدر مملکت آصف علی زرداری نے اے پی ایس شہداء کو خراجِ عقیدت پیش کرتے ہوئے کہا کہ قوم معصوم بچوں کی قربانی قوم کبھی فراموش نہیں کرے گی، اے پی ایس کے متاثرہ خاندانوں کے حوصلے کو سلام پیش کرتے ہیں، شہداء کی یاد ہمارے عزم کو مزید مضبوط کرتی ہے۔

 پاک بحریہ نے بحیرہ عرب میں سطح آب سے فضا تک مار کرنے والے میزائل کے فائر پاور کا شاندار مظاہرہ کیا۔ آئی ایس پی آر کے مطابق پاک بحریہ نے شمالی بحیرہ عرب میں ایف ایم 90 این ای آر سطح آب سے فضا تک مار کرنے والے میزائل کی کامیاب لائیو فائرنگ کے ذریعے اپنی جنگی صلاحیت اور آپریشنل تیاری کا مظاہرہ کیا۔ بتایا گیا ہے کہ فائر پاور کے اس مظاہرے کے دوران انتہائی تیز ی سے فضائی اہداف کو کامیابی سے نشانہ بنایاگیا، لائیو میزائل فائرنگ کا کامیاب مظاہرہ پاک بحریہ کی آپریشنل صلاحیت اور حربی تیاری کا منہ بولتا ثبوت ہے۔ 

 لندن میں غیر معمولی پذیرائی کے بعد پی ایس ایل روڈ شو اب نیویارک میں منعقد ہونے جارہا ہے۔ تفصیلات کے مطابق سپر پی ایس ایل کا میلہ سپر پاور امریکا کے شہر نیویارک میں آج سجے گا۔ دنیا کے سب بڑے معاشی شہر میں تاریخ میں پہلی بار پی ایس ایل کے روڈ شو کی تیاریاں مکمل ہوچکی ہیں۔ قومی کھلاڑیوں سمیت چئیرمین پاکستان کرکٹ بورڈ محسن نقوی بھی نیویارک پہنچ گئے ہیں جہاں وہ پی ایس ایل نیویارک روڈ شو میں شرکت کریں گے۔ یہ بھی پڑھیں:IPL کی بجائےPSL ترجیح، انگلش کرکٹر حقیقت سامنے لے آئے امریکی اور اوورسیز پاکستانی سرمایہ کار بھی نیویارک روڈ شو میں شریک ہوں گے۔ چیئرمین پی سی بی کا کہنا ہے کہ اللہ تعالٰی کا شکر ادا کرتا ہوں کہ پی ایس ایل آج بین الاقوامی سطح پر جگمگا رہا ہے۔ انہوں نے کہا کہ پوری امید ہے لندن کی طرح نیویارک روڈ شو بھی کامیاب رہے گا۔

 حد نگاہ متاثر ہونے پر موٹر وے ایم ون پشاور سے رشکئی، ایم ٹو ٹھوکر نیاز بیگ سے ہرن مینار ، ایم تھری شرق پور سے فیض پور ، ایم فور شیر شاہ انٹرچینج سے شام کوٹ انٹرچینج، ایم فائیو ظاہر پیر سے شیر شاہ اور روہڑی سے پنو عاقل تک بند ہے۔ علاوہ ازیں پنجاب کے مختلف شہروں میں فضائی آلودگی بدستور برقرار، کچھ دیر پہلے لاہور 500 ایئر پارٹیکولیٹ میٹر کے ساتھ پنجاب کا آلودہ ترین شہر تھا۔ محکمہ ماحولیات پنجاب کی ویب سائٹ کے مطابق گوجرانوالہ کا اے کیو آئی 429، رحیم یار خان کا 371 اور فیصل آباد کا 337 ریکارڈ کیا گیا۔ عالمی ماحولیاتی ویب سائٹ کے مطابق لاہور دنیا کے بڑے آلودہ ترین شہروں میں پانچویں نمبر پر ہے۔

 پاکستان کو آئی ایم ایف سے 1.2 ارب ڈالر کی قسط موصول ہوگئی ، آئی ایم ایف نے آٹھ دسمبر کو پاکستان کے لیے ایک ارب بیس کروڑ روپے کی منظوری دی تھی۔ تفصیلات کے مطابق اسٹیٹ بینک کو عالمی مالیاتی فنڈ (آئی ایم ایف) کی جانب سے 1.2 ارب ڈالر کی قسط موصول ہوگئی۔ وزارتِ خزانہ کے ذرائع نے بتایا کہ رقم اسٹیٹ بینک آف پاکستان کے اکاؤنٹ ون میں منتقل کی گئی ہے۔ ذرائع کا کہنا تھا کہ آئی ایم ایف نے 8 دسمبر کو پاکستان کے لیے 1.2 ارب ڈالر کی منظوری دی تھی، جس کے بعد آج رقم اسٹیٹ بینک کو موصول ہوگئی۔

 لاہورہائیکورٹ کے جسٹس ملک اویس خالد نے جوڈیشل ایکٹوازم پینل کی درخواست پر سماعت کی،درخواست گزار کی جانب سے اظہر صدیق ایڈووکیٹ نے دلائل دئیے۔ جسٹس ملک محمد اویس خالد نے ریمارکس دیئے کہ لوگوں کی جانوں کی حفاظت بہت ضروری ہے،پتنگ بازی چائنہ میں ڈھائی ہزار سال پہلے شروع ہوئی ،پوری دنیا میں کائٹ فلائنگ ہوتی ہے مگر سیفٹی بہت ضروری ہے ۔ وکیل درخواست گزار نے کہاکہ چائنہ جاپان میں ڈور نہیں بنتی لوگ پیچے نہیں لگاتے ، جسٹس ملک محمد اویس کا سرکاری وکیل سے استفسارکیاآپ یہ بتائیں کہ سیفٹی کو ریگولیٹ کیسے کریں گے؟ جسٹس ملک اویس خالد نے کہاکہ درخواست گزار کا مؤقف صرف یہ ہے کہ سیفٹی بہت ضروری ہے، وکیل درخواست گزارنے کہاکہ اسمبلی سیشن کے دوران آرڈیننس نہیں آسکتا ۔ عدالت نے سرکاری وکیل سے استفسارکیاکہ آپ یہ بتائیں کہ سیفٹی کا ذمہ دار کون ہے ؟

 روس کا ایک فوجی ٹرانسپورٹ طیارہ منگل کو ٹیسٹ فلائٹ کے دوران ماسکو سے 254 کلومیٹر دور شمال مشرق میں ایوانوو ریجن میں گر کر تباہ ہو گیا۔ اس حوالے سے سرکاری میڈیا نے روسی وزارتِ دفاع کے حوالے سے بتایا ہے کہ مذکورہ بالا اے این 22 طیارہ مرمت کے بعد آزمائشی پرواز پر تھا،ماسکو سے خبر ایجنسی کے مطابق طیارے میں عملے کے7 ارکان سوار تھے جن کے بارے میں کچھ پتہ نہیں چل سکا۔ طیارہ ایک غیر آباد علاقے میں گر کر تباہ ہوا جس کا ملبہ تلاش کرنے والی ٹیم روانہ ہو چکی ہے اور اس واقعے کی تحقیقات شروع کر دی گئی ہے۔

 چیف آف آرمی سٹاف اینڈ چیف آف ڈیفنس فورسرز فیلڈ مارشل سید عاصم منیر نے کہا ہے کہ بھارت کسی خود فریبی یا گمان کا شکار نہ رہے، اگلی بار پاکستان کا جواب اس سے بھی برق رفتار اور شدید ہو گا۔ تینوں مسلح افواج کے افسران سے خطاب کرتے ہوئے انہوں نے کہا کہ ضروری ہے ہم ملٹی ڈومین آپریشنز کو تینوں افواج کے متحد نظام کے تحت مزید بہتر کریں۔ فیلڈ مارشل سید عاصم منیر نے کہا کہ نئے قائم ہونے والے ڈیفنس فورسز ہیڈ کوارٹرز میں بنیادی تبدیلی تاریخی ہے، بڑھتے اور بدلتے خطرات کے پیشِ نظر ایسا کرنا ضروری ہے۔ یہ بھی پڑھیں:ایک اور بڑی کامیابی ، پاکستان نے پھر بھارت کو روند ڈالا انہوں نے کہا کہ ڈیفنس فورسز ہیڈ کوارٹرز کا قیام اس تبدیلی کی جانب ایک ضروری قدم ہے، ہر سروس اپنی آپریشنل تیاریوں کے لیے اپنی انفرادیت برقرار رکھے گی۔ ان کا کہنا تھا کہ ڈیفنس فورسز کا ہیڈ کوارٹر سروسز کے آپریشن کو مربوط اور ہم آہنگ کرے گا، بالا کمانڈ کی یکجہتی کے ساتھ تینوں افواج اپنی اندرونی خودمختاری اور تنظیمی ڈھانچہ برقرار رکھیں گی۔ فیلڈ مارشل نے کہا کہ طالبان رجیم کو واضح پیغام دیا گیا، طالبان کے پاس خوارج یا پاکستان میں ...

 عدالت نے صحافیوں احمد نورانی، جمیل فاروقی اور پی ٹی آئی رہنما سیمابیہ طاہر کو اشتہاری قرار دے دیا۔ ڈسٹرکٹ اینڈ سیشن کورٹس اسلام آباد میں سوشل میڈیا پر پاک فوج کے خلاف پروپیگنڈے پر درج مقدمات کے معاملے پر تحریری حکم نامہ جاری کیا ہے۔ عدالت نے صحافیوں احمد نورانی، جمیل فاروقی اور پی ٹی آئی رہنما سیمابیہ طاہر کو اشتہاری قرار دینے کا تحریری حکمنامہ جاری کر دیا، یہ تحریری حکم نامہ جوڈیشل مجسٹریٹ محمد عباس شاہ نے جاری کیا۔ عدالت نے اشتہاری ملزمان کے دائمی وارنٹ گرفتاری بھی جاری کرنے کا حکم دے دیا، تینوں ملزمان متعدد بار طلب کرنے کے باوجود عدالت میں پیش نہیں ہوئے۔ ملزمان کے خلاف مقدمہ کا چالان بھی عدالت میں جمع کروایا جا چکا ہے، احمد نورانی، جمیل فاروقی اور سیمابیہ طاہر کے خلاف الگ الگ مقدمات درج ہیں۔

 خیبر پختونخوا کے وزیر اعلیٰ سہیل آفریدی کیخلاف عدالت میں حاضر نہ ہونے پر اشتہاری قرار دینے کی کارروائی شروع کر دی گئی۔صوبائی وزیر مینا خان آفریدی اور ڈاکٹر امجد کیخلاف بھی اشتہاری کی کاروائی شروع ہو گئی ہے۔ تفصیلات کے مطابق انسداد دہشت گردی عدالت کے جج ابوالحسنات محمد ذوالقرنین نے کیس پر سماعت کی ، خیبر پختونخوا کے وزیر اعلیٰ سہیل آفریدی و دیگر کیخلاف 26 نومبراحتجاج کا مقدمہ درج ہے۔ انسداد دہشت گردی کی عدالت کی جانب سے متعدد بار طلب کرنے کے باوجود ملزمان وزیر اعلیٰ سہیل آفریدی ، صوبائی وزیر مینا خان آفریدی اور ڈاکٹر امجد پیش نہیں ہوئے، جس پر عدالت نے ملزمان کے خلاف اشتہاری قرار دینے کی کارروائی شروع کر دی ہے۔

 مودی سرکار کوئی موقع ہاتھ سے جانے نہیں دیتی: انا کی تسکین کیلئے خطے کے لوگوں کی زندگیوں سے کھیلنے لگا،سری لنکا میں بدترین سمندری طوفان کیلئے پاکستان کے ریلیف آپریشن کی راہ میں بھارتی حکومت کی تنگ نظری اور پاکستان دشمنی حائل ہوگئی۔ سری لنکا میں بدترین سمندری طوفان ’’ڈٹوہ ‘‘نے 28 نومبر کو ساحلی علاقوں میں تباہی مچائی جس کے نتیجے میں متعدد افراد جاں بحق زخمی اور ہزاروں لوگ بے گھر ہوگئے،اس ہنگامی صورتحال میں حکومتِ پاکستان اور عوام اپنے سری لنکن بھائیوں کے شانہ بشانہ کھڑے ہیں اور ہر ممکن امداد کی خواہش رکھتے ہیں،وزیراعظم پاکستان اور فیلڈ مارشل عاصم منیر کی جانب سے فوری امدادی کارروائیاں شروع کرنے کی ہدایات بھی جاری کی گئیں۔ پاک فوج کی 45 رکنی اربن سرچ اینڈ ریسکیو ٹیم، این ڈی ایم اے اور پاک فضائیہ کے تعاون سے سی-130 طیارے کے ذریعے روانگی کیلئے مکمل تیار تھی،یہ ٹیم اس سے قبل ترکیہ میں آنے والی تباہ کن آفت کے دوران بھی نمایاں خدمات سرانجام دے چکی ہےتاہم ہمیشہ کی طرح اس بار بھی بھارتی حکومت کی تنگ نظری اور پاکستان دشمنی آڑے آگئی،بھارت نے اس خالص انسانی ہمدردی کے مشن کیلئے فضائی حدود است...