وزیراعظم شہباز شریف کا کامیاب چار ملکی دورہ مکمل،

 

وزیراعظم شہباز شریف کا کامیاب چار ملکی دورہ مکمل، وطن واپس پہنچ گئے

 وزیراعظم شہباز شریف ترکی، ایران، آذربائیجان اور تاجکستان کے کامیاب سرکاری دورے کے بعد وطن واپس پہنچ گئے۔ ان کا یہ چار ملکی دورہ نہ صرف سفارتی تعلقات کو مضبوط بنانے کا ذریعہ بنا بلکہ ماحولیاتی تبدیلی جیسے عالمی چیلنجز پر پاکستان کے مؤقف کو بھی عالمی سطح پر اجاگر کیا گیا۔

دوشنبے سے وطن واپسی

وزیراعظم شہباز شریف اپنے دورے کی آخری منزل تاجکستان کے دارالحکومت دوشنبے سے وطن واپس روانہ ہوئے۔ دوشنبے ایئرپورٹ پر تاجک نائب وزیراعظم حکیم خلیق زادہ نے وزیراعظم کو الوداع کہا۔ ان کے ہمراہ وفاقی وزیر اطلاعات و نشریات عطا اللہ تارڑ اور معاون خصوصی سید طارق فاطمی بھی موجود تھے۔

اتجک صدر سے اہم ملاقات

وزیراعظم نے تاجکستان میں قیام کے دوران تاجک صدر امام علی رحمان سے اہم دو طرفہ ملاقات کی، جس میں دونوں ممالک کے درمیان تعاون کے مختلف شعبوں پر گفتگو ہوئی۔ وزیراعظم نے جنوبی ایشیائی خطے میں بھارت اور پاکستان کے درمیان حالیہ کشیدگی کے دوران پاکستان کی حمایت پر تاجکستان کا شکریہ ادا کیا۔

گلیشیئرز کے تحفظ پر عالمی کانفرنس میں شرکت

اپنے دو روزہ دورۂ تاجکستان کے دوران وزیراعظم شہباز شریف نے دوشنبے میں منعقدہ اعلیٰ سطحی عالمی کانفرنس میں بھی شرکت کی، جس کا موضوع تھا: گلیشیئرز کا تحفظ اور ماحولیاتی تبدیلی سے نمٹنا۔ وزیراعظم نے کانفرنس سے خطاب میں ماحولیاتی تبدیلی کے پاکستان پر اثرات پر روشنی ڈالی اور اس بات کا اعادہ کیا کہ پاکستان گلیشیئرز کے تحفظ اور ماحولیاتی بہتری کے لیے پرعزم ہے۔

علاقائی استحکام اور تعاون کا فروغ

وزیراعظم شہباز شریف کے اس دورے کو خطے میں علاقائی تعاون، اقتصادی روابط اور ماحولیاتی اقدامات کے حوالے سے نہایت اہم قرار دیا جا رہا ہے۔ ان کا یہ دورہ پاکستان کے ہمسایہ اور قریبی ممالک کے ساتھ تعلقات کو مزید فروغ دینے کا ذریعہ ثابت ہوا۔