ترجمان دفتر خارجہ کا بیان:

---

ترجمان دفتر خارجہ کا بیان: بھارت کی جارحیت، جوہری تابکاری رپورٹس بے بنیاد، پاکستان کا مؤقف واضح

اسلام آباد (24 نیوز) – ترجمان دفتر خارجہ شفقت علی خان نے ہفتہ وار بریفنگ میں بھارت کی حالیہ جارحیت، سیز فائر معاہدے اور جوہری تابکاری سے متعلق جھوٹی بھارتی رپورٹس پر دوٹوک مؤقف اختیار کرتے ہوئے اہم نکات پر روشنی ڈالی۔ انہوں نے واضح کیا کہ پاکستان خطے میں امن چاہتا ہے لیکن اپنی سالمیت اور خودمختاری کے تحفظ پر کسی قسم کا سمجھوتہ نہیں کرے گا۔

پاکستان کا مؤقف: اقوام متحدہ کے چارٹر کے تحت دفاع کا حق

ترجمان دفتر خارجہ نے کہا کہ پاکستان نے اقوام متحدہ کے آرٹیکل 51 کے تحت اپنے دفاع کا حق استعمال کرتے ہوئے آپریشن بنیان مرصوص کا انعقاد کیا۔ اس آپریشن کا مقصد بھارتی فوجی تنصیبات کو نشانہ بنانا تھا تاکہ دشمن کی جارحیت کا منہ توڑ جواب دیا جا سکے۔

بھارت کی جانب سے جھوٹا پروپیگنڈا، جوہری تابکاری کی رپورٹس بے بنیاد

انہوں نے کہا کہ بھارت کی جانب سے جوہری تابکاری سے متعلق رپورٹس سراسر بے بنیاد اور پروپیگنڈا پر مبنی ہیں۔ پاکستان نے ان رپورٹس کو مسترد کرتے ہوئے عالمی برادری کو واضح کیا ہے کہ پاکستان ایک ذمہ دار ایٹمی ریاست ہے اور کسی بھی قسم کے غیر ذمہ دارانہ اقدام سے گریز کرتا ہے۔

سیز فائر معاہدہ خوش آئند، مگر عملدرآمد ضروری

پاکستان اور بھارت کے درمیان سیز فائر معاہدے کو ترجمان نے خوش آئند قرار دیا، تاہم انہوں نے زور دیا کہ بھارت کو چاہیے کہ وہ اس معاہدے پر مکمل عملدرآمد یقینی بنائے۔ ترجمان کے مطابق، 10 مئی سے دونوں ممالک کے ڈی جی ایم اوز کے درمیان رابطے جاری ہیں تاکہ کشیدگی کو کم کیا جا سکے۔

چین کی سالمیت پر پاکستان کی حمایت

ترجمان دفتر خارجہ نے مزید کہا کہ پاکستان نے اروناچل پردیش سے متعلق چین کی رپورٹس دیکھی ہیں اور پاکستان چین کی خودمختاری اور سالمیت کی مکمل حمایت کرتا ہے۔ چین اور پاکستان کے تعلقات خطے میں توازن اور امن کے ضامن ہیں۔

بھارت کی اشتعال انگیزی سے علاقائی امن کو خطرہ

ترجمان کے مطابق، حالیہ دنوں میں پاکستان اور بھارت کے درمیان کشیدگی میں اضافہ ہوا ہے، جس کی ذمہ داری مکمل طور پر بھارت پر عائد ہوتی ہے۔ بھارت کی اشتعال انگیزی نہ صرف پاکستان کے لیے بلکہ خطے کے امن کے لیے خطرہ بن چکی ہے۔ پاکستان نے واضح کیا کہ وہ امن کا خواہاں ہے مگر کسی بھی جارحیت کا بھرپور جواب دیا جائے گ